/* up Facebook

Oct 22, 2018

வைரமுத்துக்கள் மட்டுமல்ல, பெரும்பான்மையான சமூகமும் We Too ஆணாதிக்க பேய்கள் தான்!


இந்தியாவிலும், தமிழ்நாட்டிலும் பெண்கள் தமக்கு இழைக்கப்பட்ட பாலியல் வன்முறைகள் பற்றிப் பேச முன் வந்திருக்கிறார்கள். இப்பெண்களிற்கு எதிராக பொதுவெளிகளில் எழும் எதிர்வினைகள் தமிழ்ச் சமுதாயத்தின் பெரும்பகுதி ஆணகள் இன்னும் ஆணாதிக்க பேய்களாகத் தான் இருக்கிறார்கள் என்பதை எடுத்துக் காட்டுகின்றன. தமக்கு நிகழ்ந்த பாலியல் கொடுமைகளைப் பேசும் பெண்களின் மனவேதனைகளைப் பற்றி சிறிதளவிலேனும் நினைத்துப் பாராமல் அப்பெண்களையே குற்றவாளிகள் என்று சாடும் மிக மோசமான ஆணாதிக்க மனப்பான்மை கொண்ட சமுதாயமாகத் தான் எமது சமூகம் இருக்கிறது.

பாலியல் கொடுமைக்கு உள்ளாகினேன் என்று வெளிப்படையாக பேசும் பெண்களில் தொண்ணூற்று ஒன்பது சத விகிதமானவர்கள்  உண்மையையே சொல்கிறார்கள் என்று உளவியல் மருத்துவர்கள், மனோதத்துவவியல் அறிஞர்கள் சொல்லுகிறார்கள். பாலியல் வன்முறைக்கு உள்ளான பெண்கள் மனதாலும், உடலாலும் எவ்வளவு காயப்படுகிறார்கள் என்பதை மருத்துவ அறிக்கைகள் எடுத்துச் சொல்கின்றன. தம்மைத் தாமே காயப்படுத்துவதில் இருந்து தம்முயிரையே மாய்த்துக் கொள்வது வரை என்று பாதிக்கப்பட்ட பெண்கள் தம் வாழ்நாள் முழுவதும் மரணத்தில் வாழ்கிறார்கள்.  

பெண்களை ஒரு போகப் பொருளாகப் பார்க்கும் வலதுசாரிகளான மதவாதிகள், இனவாதிகள், மொழி வெறியர்கள், சாதி வெறியர்கள் என்பவர்கள் வழக்கம் போல தமது ஆணாதிக்கத்தை, பிற்போக்குத்தனத்தை வக்கிரம் பிடித்த மொழிகளில் வெளிப்படுத்துகிறார்கள். ஆனால் வைரமுத்துவிற்கு எதிராக சின்மயி வைத்த பாலியல் குற்றச்சாட்டின் போது தம்மை பகுத்தறிவாளர்கள் என்று சொல்லிக் கொள்ளும் சிலரும் இந்த வலதுசாரி கும்பல்கள் பேசும் ஆணாதிக்க மொழியிலேயே தாமும் பேசுவது மிகவும் அதிர்ச்சி அளிக்கிறது.

சமுக வலைத் தளங்களில் பாலியல் வன்முறை குறித்து தெரிவிக்கப்பட்ட கருத்துக்கள், விமர்சனங்கள் என்னும் ஆணாதிக்க வக்கிரங்களில் சிலவற்றை இங்கே தொகுத்து தந்திருக்கிறோம். இவற்றைப் படிக்கும் உங்களிற்கு இவ்வளவு கேவலமாகவா எங்களது சமுதாயம் இருக்கிறது என்னும் கோபம் வரக் கூடும். ஆனால் கீழே தந்துள்ளவை ஒரு துளி மட்டுமே. பெண் உடல் குறித்த கேவலமான வசவுகளை கொண்ட பெரும்பான்மையான வக்கிரங்களை இங்கே தவிர்த்திருக்கிறோம்.

பாலாபாலா
Me too (நானும் தான்)  ￰பிரச்சாரம்  சில விபச்சாரிகளின் அபாண்டமான ஆதாரமற்ற குற்றச்சாட்டுகள்  மூலமாக தனது நம்பகத்தன்மையை  மிக விரைவில் இழந்து  நிற்கும் என்பது தான் கசப்பான  உண்மை....  Me too (நானும் தான்) - ஆதாரம் இல்லா சேதாரம்.

Durai Kesavan  எவ்வளவு இடத்தில் பார்கிறோம். ஒருத்தனை பழிவாங்க.அல்லது அசிங்க படுத்த முடிவெடுத்தால் பெண் சொல்ற புகார் என் கைய பிடித்து இழுத்தான்.கண்ணடித்தான் பினனாடி தட்டினான் என்று

Tamil Viral   ஏண்டி குடிகார நாய்களே. ஸ்விஸ் போய் நீயும் உன் ஆத்தாளும் குடிச்சுட்டு பண்ணுன அக்கப்போரை பத்தி இசைமைப்பாளர் சொன்னதை பத்தி சொல்லுங்கடி. குடிகார நாய்களா. நீங்கதான் சமுதாயத்தை திருத்த போறீங்களா. 

JOKER TV  சின்மயி டார்லிங் உன்னால கோர்ட்டுல நிரூபிக்கமுடியாது - இதுக்கு ஒரே வழி நீ வைரமுத்துவ நைசா வீட்டுக்கு கூப்பிட்டு கற்பழிச்சிடு - வைரமுத்து கர்பமாகி கோர்ட்டுக்கு அலையட்டும் - பழிக்கு பழி

bhagyaraj bhagya  நல்ல குடும்ப பெண்கள் போகமாட்டார்கள் சில தாசிகள் விளம்பரத்திற்காக  

பெண்ணடிமைத்தனம் என்னும் கொடுமையை ஒழித்துக் கட்டி ஆணும், பெண்ணும் சரிநிகர் சமானம் என்னும் சமத்துவத்தை சமூதாயத்தின் தலையாய விதியாக கொண்டு வரும் வரை பெண்களிற்கு எதிரான கொடுமைகள் தொடரத் தான் செய்யும். பாலியல் வன்முறை, ஊதியங்களில் சமமின்மை, சொத்துரிமை இல்லை, வழிபாட்டு இடங்களில் ஒதுக்கப்படுதல் போன்ற அநீதிகளிற்கு எதிராக முற்போக்கு சிந்தனை கொண்ட பெண்களும், ஆண்களும் சேர்ந்து போராடும் போதே ஆணாதிக்க பிற்போக்கு சமுதாயம் உடைந்து நொறுங்கும். அன்று ஆணாதிக்க பேய்களை வீழ்த்தி பெண்ணே நீ மறுபடி எழுவாய்!!

நன்றி - பூவரசு
...மேலும்

Oct 21, 2018

மீடூ: அடுத்தகட்ட பாதை இதுதான்!


தென்னிந்திய திரைத்துறை பெண்கள் மையம் சார்பில் மீடூ விவகாரம் குறித்த பத்திரிகையாளர் சந்திப்பு இன்று(அக்டோபர் 20) சென்னையில் நடத்தப்பட்டது. இதில் பின்னணி பாடகி சின்மயி, இயக்குநர்கள் லட்சுமி ராமகிருஷ்ணன், லீனா மணிமேகலை ஆவணப்பட இயக்குநர் மாலினி ஜீவரத்திரனம், நிகழ்ச்சி தொகுப்பாளினி ஸ்ரீரஞ்சனி ஆகியோர் பங்கெடுத்தனர். பத்திரிகையாளர் சந்திப்பில் நடைபெற்றவை வாசகர்களுக்காக.

லீனா மணிமேகலை

“மீ டூ போன்ற இயக்கங்கள் மூலம் பாலியல் குற்றச்சாட்டுகளை மட்டும் கூறுவதோடு நில்லாமல், அதுபோன்ற குற்றங்கள் கவனிக்கப்பட்டு தண்டிக்கப்பட வேண்டும். பெண்களின் பிரச்சினைகள் கவனிக்கப்படுவதோடு அல்லாமல், தங்களுக்குள் மறைத்து வைத்திருக்கும் இது போன்ற விவகாரங்களை பொது வெளிக்குள் கொண்டு வரும் பெண்களுக்கு முழுமையான பாதுகாப்பு உறுதி செய்யப்பட வேண்டும். பாலியல் தொடர்பான புகார்களுக்காகவே மீடூ போன்ற தளங்கள் இருக்கிறது. சம்பந்தப்பட்டவர்கள் மீது நடவடிக்கைகளையும், அடுத்து யாரும் பாதிக்கப்பட்டுவிடக் கூடாது என்பதற்காக முன்னெச்சரிக்கைகளையும் எடுக்க வேண்டும். பெண்கள் மீதான பாலியல் குற்றச்சாட்டுகளை துணிந்து வந்து சொல்லும் பெண்களே ஆதாரம் என்பதுதான் மீடூ இயக்கத்தின் அடிப்படை. இதன் மூலம் மாற்றம் உருவானால் அதுவே உண்மையான சமூக மாற்றம்”

லட்சுமி ராமகிருஷ்ணன்

எனக்கு ஒரு பிரச்சினை இருக்கிறது என்றால் போலீஸ் ஸ்டேஷன் போவதற்கே தயங்குகிறேன். ஏழு வயது சிறுமி ஹாசினியை சீரழித்தவர்களை சட்டம் என்ன செய்திருக்கிறது. இது தான் இன்றைய நிலை. மீடூ இயக்கம் சட்ட ரீதியாக நடவடிக்கை எடுக்கக்கூடிய இடம் கிடையாது. இது அந்த பெண்களுக்கு தைரியத்தையும், ஆதரவையும் தரக்கூடிய ஒரு மாஸ் மூவ்மெண்ட். இனிமேல் ஓர் ஆண், ஒரு பெண்ணிடம் பொது இடத்திலோ அல்லது வேலை நிமித்தமாகவோ தவறாக நடந்து கொள்வதற்கும் அவளிடமிருந்து எதையும் எதிர்பார்ப்பதற்கும் ஓர் அச்ச உணர்வை ஏற்படுத்தக்கூடியதாக இவ்வமைப்பு உருவாகும். காம்ப்ரமைஸ், அட்ஜெஸ்ட்மெண்ட் போன்றவற்றுக்கு தயாராக இல்லாத பெண்கள் இருக்கிறார்கள். தயாராகவும் சிலர் இருக்கிறார்கள்; இல்லையென்று நான் சொல்லவில்லை.


சின்மயி

வைரமுத்துவுக்கு எதிராக அவர் மீது வழக்கு தொடர ஆவணங்களை சேகரித்து வருகிறேன். சுவிட்சர்லாந்து சென்றபோது பயன்படுத்திய பாஸ்போர்ட் தேடிக்கொண்டிருக்கிறோம். கிடைத்ததும் சட்டரீதியாக நடவடிக்கை எடுப்பேன். வைரமுத்து குறித்து எனது நண்பர்கள் மற்றும் உறவினர்களிடம் இதற்கு முன்பே தெரிவித்திருக்கிறேன். வைரமுத்து பற்றி பெண்களுக்குத் தெரியும். ஆண்களுக்குத் தான் தெரியாது. மீடூ விவகாரத்தில் எத்தனை ஆண்கள், பெண்களுக்கு ஆதரவாக குரல் கொடுத்துள்ளனர்? 1997ஆம் ஆண்டு விசாகா சட்டம் அமல்படுத்தப்பட்டது. 2000ஆம் ஆண்டு மத்திய அரசு அலுவலகங்களில் அந்த குழுக்கள் அமைக்கப்பட்டன. ஆனால் இன்று வரை ஊடக அலுவலகங்களில் இது அமைக்கப்படவில்லை என்று சில பெண் பத்திரிகையாளர்களே கூறியுள்ளனர். திரைப்பட துறையைவிட பெண் பத்திரிகையாளர்கள் பாலியல் சீண்டல்களுக்கு அதிகம் ஆளாகிறார்கள். திரைத்துறையில் இப்போதுதான் விஷால் இது பற்றி மூன்று பேர் கொண்ட குழு அமைக்க போவதாக அறிவித்திருக்கிறார். அது எந்த மாதிரி இருக்கும் என்பதை பொறுத்திருந்துதான் பார்க்க வேண்டும் .

ஆண்டாள் பிரச்சினையில் எந்த ஒரு கருத்தும் நான் சொன்னது கிடையாது. மற்றவர்கள் என்னை வைத்து அரசியல் செய்தால் அதற்கு நான் ஒன்றும் பண்ண முடியாது. என் பிரச்சினை; அது எனக்கு நடந்தது. இடது, வலது, மையம் என எல்லா அரசியல் கட்சி தரப்பில் உள்ள ஆண்களும் இதில் சிக்கியுள்ளனர். கடவுள் நம்பிக்கை உடையவர், இல்லாதவர், பத்திரிகையாளர், அமைச்சர், கார்பரேட் என எல்லா தரப்பில் உள்ளவர்கள் பெயரும் இதில் அடிப்பட்டுள்ளது.

பெண்களுக்கு இருக்கும் பிரச்சினைகளை வெளியில் கொண்டுவரும்போது அத்தனை பேரும் சேர்ந்து இழிவுப்படுத்தினால் எங்களால் ஒன்றும் செய்ய முடியாது. பெண்களை நாங்கள் நம்புவோம். உறுதுணையாக நிற்போம். இந்த மாதிரியான ஒரு சமூகத்தில் எழுந்து நிற்போம். அதற்கான ஆதரவு வரும் என்று எதிர்பார்க்கவில்லை. தற்போது வந்துவிட்டது. கேள்வி கேட்போம். கேள்வி மேல் கேள்வி கேட்டுக் கொண்டே இருப்போம்.

நன்றி - மின்னம்பலம்
...மேலும்

Oct 20, 2018

சினிமா முழுக்க இந்த கேவலம் இருக்கு - வரலெட்சுமி

"Mee too" குறித்த விடயங்கள் பரவலாகவும், பரபரப்பாகவும் பேசப்பட்டு வரும் இந்த நிலையில் பல பெண்கள் மனம் திறந்து பேச முன்வந்துள்ளார்கள். சினிமாத்துறையினர் தான் இதில் அதிகமாக பேசுகின்றனர். அதிகமாக முறைகேடுகள் நடக்கும் துறையும் அதுதான் என்பதில் உண்மையும் உண்டு.
வரலட்சுமியின் இந்த நேர்காணல் அப்படியான வெளிப்படையான ஒன்று.


...மேலும்

Oct 19, 2018

METOO உளவியல் சார்ந்த வெற்றி


‘MeToo’ சமீப காலமாக ஆண்கள் மத்தியில் பெரும் பிரளயத்தை ஏற்படுத்தியிருக்கும் சொல் இது. சமூக வலைத்தளங்களில் MeToo பெரும் பரபரப்பை ஏற்படுத்தியிருந்தாலும் முழு உலகமுமே வெகுண்டெழுந்து வாசிக்கும் செயலியாக (App) இது விஸ்வரூபம் எடுத்துள்ளது. மேலைத்தேய நாடுகளிலே பிரபல்யம் அடைந்துள்ள MeToo அண்மையில் ஆசியாவையும் உலுக்கி வருகிறது. ஆண்களால் பாலியல் ரீதியாக துன்புறுத்தப்படும் பெண்கள், பதிவிறக்கம் செய்யும் தகவல்களால் பல பிரபல்யங்கள் முதல் சாதாரண ஆண்கள் வரை அனைவரையும் பீதியடைச் செய்துள்ளது.

MeToo இயக்கம் பெண்களுக்கு உளவியல் ரீதியான வெற்றியைத் தரும்.அதே வேளையில் எளிய பின்னணியில் உள்ள பெண்கள் இது போன்ற துன்புறுத்தலை சந்தித்தால் அதை எளிதாக​ கூற இயலுமா என்று தெரியவில்லை.

'ஆனால், பாலியல் துன்புறுத்தல் மற்றும் அத்துமீறல்களுக்கு எதிரான முயற்சி மற்றும் வெற்றிகளில் இது நிச்சயம் ஒரு நல்ல தொடக்கமாகும்.

Metoo என்பது அமெரிக்காவில் வாழ்ந்து வரும் ஆபிரிக்க பெண்மணியான Tarana burke (டரானா பேர்க்) என்பவரே இவ் இயக்கத்தை ஆரம்பித்தவர். இவர் ஒரு மனித உரிமை சிவில் செயற்பாட்டாளர். 2006 ஆம் ஆண்டு அமெரிக்காவில் இவ் இயக்கத்தை ஆரம்பித்த இவர், பெண்கள் தாம் எச்சந்தர்ப்பத்தில் பாலியல் துஷ்பிரயோகங்களுக்கோ அல்லது தொல்லைகளுக்கோ முகங்கொடுத்தோமா அதை தைரியமாக சமூகத்துக்கு சொல்ல வேண்டும் என்று பெண்களை வலுவூட்டும் செயற்பாடுகளில் ஈடுபட்டார். டைம்ஸ் சஞ்சிகை இவரை 2017 ஆம் ஆண்டின் சிறந்த நபர் என்று கௌரவப்படுத்தியது. ஆனால் தற்போது தான் Metoo பிரபல்யமடைந்துள்ளது.

Metoo தகவல்களால் அச்சமடைந்திருக்கும் ஆண்கள் பற்றி பிபிசி ஒரு பத்திரிகையாளரின் மனந்திறந்த கருத்துக்களை வெளியிட்டுள்ளது.

சமூகத்திலுள்ள பெரும்பாலானவர்களை போல் ஒவ்வொரு ஐந்து நிமிடமும் தன்னை அறியாமலேயே வாட்ஸ்ஆப், சமூக ஊடகங்களை கைபேசியில் பார்ப்பவர்களில் பத்திரிகையாளரான நானும் ஒருவன். ஆனால், கடந்த நான்கு -ஐந்து தினங்களாக, "Ms XYZ mentioned you in their tweet" என்பது போன்ற அறிவிப்பு எனக்கும் வந்திருக்குமோ என்ற பயத்தில் கைபேசியை கையில் எடுப்பதற்கே தயங்குகிறேன்.

என்னை போன்ற ஆயிரக்கணக்கான ஆண்கள் ட்விட்டரில் பூதாகரமாகி வரும் MeToo-வில் தாங்களும் சிக்கிவிடுவோமோ என்ற பயத்தில் கடந்த ஒரு வாரமாக வாழ்ந்து வருகிறோம்.

ஆண்களின் பாலியல் அத்துமீறல்களை பெண்கள் ட்விட்டரில் MeToo என்ற பதத்தை பயன்படுத்தி வெளிக்கொணரும் நிகழ்வு கடந்த ஒருவருடத்திற்கு முன்பு ​ெஹாலிவூட்டில் தொடங்கி, பிறகு ​ெபாலிவூட்டை அடைந்து, தற்போது இந்திய ஊடகங்களையே வந்தடைந்திருக்கிறது. பல வகைகளில் தங்களிடம் அத்துமீறிய ஆண்களின் செயல்பாட்டை பல தசாப்தங்களாக மனதில் மூடி வைத்திருந்த பெண்கள், கடைசியாக தற்போது முழு மனவுறுதியுடன் அதை ட்விட்டரில் வெளிப்படுத்தி வருகிறார்கள்.

ஆனால், சட்டரீதியாக பார்க்கும்போது தற்போது வெளிவந்துள்ள குற்றச்சாட்டுகளில் எத்தனை உண்மையான குற்றச்சாட்டுகள் என்பதில் தெளிவில்லாமல் பலர் சமூக ஊடகங்களில் போரிட்டு வருகிறார்கள்.

ட்விட்டரில் எழுத்துகள் மூலமாகவும், படங்கள் மூலமாகவும், ஸ்கிரீன் ​ெஷாட்டுகள் மூலமாகவும் வெளிவந்துள்ள பல்வேறு குற்றச்சாட்டுகளை நான் மறுக்கிறேன் என்றோ, எதிர்த்து பேசுகிறேன் என்றோ இதற்கு அர்த்தமல்ல. ஆனால், சில விடயங்களில் மற்றொரு கோணமும் இருக்கும். இந்த இயக்கம் தனிப்பட்ட முறையில் பெண்கள் தங்களுக்கு வேண்டாதவர்களை பழித் தீர்த்துக்கொள்வதற்காக தவறான வழியில் பயன்படுத்தபடுமோ என்ற அச்சமும் எழுந்துள்ளது.

என்னுடைய ட்விட்டர் செய்தியோடையில் பலரும் MeToo இயக்கத்தை செம்மையாகவும், நீர்த்துப்போகாமலும், நேர்மையுடனும் தொடர்ந்து செயல்பட வைப்பதற்கு வலியுறுத்துகின்றனர்.

MeToo வாயிலாக குற்றச்சாட்டுக்குள்ளான ஒருவர், தன் மீதமான குற்றச்சாட்டுகள் குறித்து மறுப்பு கூட தெரிவிக்காமல், "இன்றைய காலகட்டத்தில் பெண்கள் முன்வைக்கும் குற்றச்சாட்டுகளுக்கு எதிர்வினையாற்றுவதென்பது வீண் செயல். ஏனெனில், பெண்கள் என்ன கூறுகிறார்களோ அது..." என்ற பதிலோடு முடித்துக்கொண்டார்.

MeToo வாயிலாக வெளிவந்த குற்றச்சாட்டுகள் குறித்து பல ஊடக நிறுவனங்களில் விசாரணைகள் நடைபெற்று வருகின்றன. அதுமட்டுமன்றி, பல ஊடகங்களின் ஆசிரியர்கள் பதவி விலகினர், சிலர் தாங்கள் பல வருடங்களுக்கு முன்னர் அத்துமீறிய பெண்களிடம் குற்றத்தை ஒப்புக்கொண்டு, மன்னிப்பு கேட்க முயன்று வருகிறார்கள்.

நீங்கள் இதுவரை பெண்ணொருவரை தொந்தரவு செய்துள்ளீர்களா? என்ற கேள்விக்கு உங்களது அடிமனது கூறும் பதில் இதற்கு போதுமானது.

இந்த கடுமையான சூழலை எப்படி கடந்து செல்வது?

முதலில் இந்த MeToo என்பதை ஆண்களை மையமாக கொண்ட ஒன்றாக மட்டும் ஆக்கிவிட வேண்டாம். இதன் பிறகும் உங்களுக்கு பயமிருந்தால், பெண்களின் உலகத்திற்கு வாருங்கள். ஆம், தங்களது வாழ்க்கையின் பெரும்பகுதியை பெண்கள் இப்படித்தான் கழிக்கிறார்கள்.

இரண்டாவதாக, MeToo இயக்கம் சமூக வலைதளங்களை ஆக்கிரமித்துள்ள அளவையும், இதுபோன்ற ஏற்றுக்கொள்ள முடியாத நடத்தைகள் சமூகத்தில் எப்படி ஆழ வேரூன்றியுள்ளது என்பதையும் புரிந்துகொள்ளுங்கள்.

மூன்றாவதாக, இனியாவது பெண்களிடம் தவறாக நடந்துகொண்ட உங்களது நண்பர்களை புகழ்வதை, பாராட்டுவதை நிறுத்திவிட்டு, அதன் வீரியத்தை யோசித்து பாருங்கள்.

உங்களது ஆண் நண்பர்கள் குழுவில், பைத்தியக்காரத்தனமாக பேசும் விடயங்கள் எப்படி ஒரு பெண்ணுக்கு வாழ்நாள் முழுவதும் பயத்தை உண்டாக்கும் நிகழ்வாக மாறுகிறது என்பது குறித்து பெரும்பாலானவர்கள் புரிந்துகொள்வதில்லை.

இனி பெண்களிடம் தவறாக நடந்துகொள்ளும் உங்களது நண்பர்களை ஆதரிப்பதை நிறுத்துங்கள், இல்லையெனில் நீங்களும் அந்த குற்றத்திற்கு துணை போனவராக கருதப்படுவீர்கள்.

கிட்டத்தட்ட கடந்த ஒருவாரமாக பரபரப்பை உண்டாக்கி இருக்கும் இந்த விவகாரம், ஆண்களின் செயல் மற்றும் பேச்சுரீதியிலான நடத்தையில் சுய-விழிப்பை உண்டாக்கியுள்ளது. பணியிடத்தை பெண்களுக்கு பாதுகாப்பானதாக்கும் முயற்சியில் இது ஒரு படி முன்னேறியதை காட்டுகிறது.

ஆனால், இந்த MeToo இயக்கம் ஆண்களை தனிமைப்படுத்தி, மோசமான நிலைக்கு இட்டுச்செல்லும் ஒன்றாக மாறாது என்பதை நாம் உறுதிப்படுத்த வேண்டும். ஆண்கள் தங்களது நிகழ்கால செயல்பாடுகள் எதிர்காலத்தில் பிரச்சினைகளை உண்டாக்கலாம் என்று உணர்வதை போன்று, ட்விட்டுகள் நீக்கப்படலாம், ஆனால் ஸ்கிரீன் ​ெஷாட்டுகள் அப்படியே இருக்கும் என்பதை பெண்களும் உணர வேண்டும்.

நன்றி - தினகரன்
...மேலும்

Oct 14, 2018

சபரிமலைத் தீர்ப்பு: ஆண்களின் மனசாட்சி! - என்.சரவணன்


பெண்கள் சபரிமலைக்கு நுழைவதற்கு இருந்த தடையை நீக்கி இந்திய உச்ச நீதிமன்றம் தீர்ப்பளித்தமை தென்னிந்தியாவில் சர்ச்சைக்குள்ளாகியிருப்பதுடன். இலங்கையிலும் அது எதிரொலித்ததை செய்திகளில் கண்டோம்.

ஆனால் இந்தத் தீர்ப்பு ஒரு வகையில் தீண்டாமைக்கு எதிரானத் தீர்ப்பே. எப்படி கடந்த காலங்களில் சாதியத் தீண்டாமையை ஒழிப்பதில் சட்டம் பங்கு வகித்ததோ அதே வழியில் தான் பெண்களுக்கு எதிரான தீண்டாமையை எதிர்த்து இந்த தீர்ப்பு வழங்கப்பட்டிருக்கிறது. வரலாறு நெடுகிலும் வெறும் நம்பிக்கைகளால் நசுக்கப்பட்ட உரிமைகளை சட்டம் தான் மனித குலத்திற்கு பெற்றுக்கொடுத்திருக்கிறது.

அன்று சாதியத் தீண்டாமை, கோவில் பிரவேச மறுப்பு, தேவதாசி முறை, என்பவை தெய்வத்தைக் காரணம் காட்டி ஐதீகங்கள் மத நம்பிக்கை, சமூக வழக்கு, மரபு என்பவற்றின் பேரால் தான் நியாயப்படுத்தப்பட்டன. அவற்றுக்கான நீதியை  சட்டங்கள் தான் பின்னர் பெற்றுக்கொடுத்தன.

இந்தத் தீர்ப்பு தெய்வ நம்பிக்கைகளின் பேரால் “மறுக்கப்படுகின்ற உரிமைகளுக்கு” எதிரான சிறந்த முன்னுதாரணத் தீர்ப்பு.

தலைமை நீதிபதி தீபக் மிஸ்ரா தன்னுடைய தீர்ப்பில் பக்தி என்பது தீண்டாமைக்கு வழி வகுக்கக் கூடாது என்று குறிப்பிட்டார். மேலும் ஆன் வழிச் சமூக சிந்தனைகளும் விதிமுறைகளும் மாற்றப்பட வேண்டும். வழிபாடு போன்ற விசயங்களில் பாலியல் வேறுபாடுகளை கருத்தில் கொண்டு அனுமதியை மறுப்பதை சற்றும் ஏற்றுக் கொள்ள இயலாது என்று கூறினார்.

நீதிபதி கான்வில்கர் கேரள மக்களின் இந்து வழிபாட்டுத் தளங்கள் விதிமுறைகள் 1965 இந்து பெண்களின் மத நம்பிக்கைகளை புண்படுத்தும் வகையில் அமைந்திருக்கிறது என்று கூறினார். வயதை காரணம் காட்டி தடை விதிப்பதை ஒரு மத வழிமுறையாக பின்பற்றுதல் கூடாது என்று கூறினார்.

இதே விதிமுறைகளை எடுத்துக் கூடி நீதிபதி நரிமன் “இது பெண்களின் அடிப்படை உரிமை” என்று குறிப்பிட்டார்.

நீதிபதி சந்திரசூட் தன்னுடைய தீர்ப்பில் “பெண்கள் அவர்களின் இனப்பெருக்க காலங்களை வைத்து அவர்களை கோவிலுக்குள் நுழைய விடாமல் தடுப்பது தவறு. 10 வயதில் இருந்து 50 வரையிலான பெண்களை கோவிலுக்குள் அனுமதிக்காமல் இருப்பது அவர்களுக்கு அவமரியாதையை உருவாக்குவதாகும்” என்று குறிப்பிட்டார். மத நம்பிக்கையுள்ள பெருவாரியான ஐயப்ப பெண் பக்தர்கள் பலர் இந்தத் தீர்ப்பை ஆதரிப்பார்கள் என்றோ, கோவிலுக்குச் செல்வார்கள் என்றோ பொருள் கொள்ள முடியாது. ஆனால் பெண்களைத் தீட்டுக்கும் துடக்குக்கும் உள்ளாக்கி அவர்களுக்கான சந்தர்ப்பங்களை மறுத்தும் கட்டுப்படுத்தியும் வரும் வைதீக சமூகம் காலாவதியாகி வருகிறது.

சுதந்திரம், ஜனநாயகம், சமத்துவம் என்பவற்றை மதத்தின் பேரால் கட்டுப்படுத்துகின்ற காலம் இன்று கேள்விக்குள்ளாக்கப்பட்டு வருகிறது. சட்டத்தின் முன் அனைவரும் சமம் என்கிற அரசியலமைப்பின் அடிப்படை உரிமையை எந்த மத சடங்குகளாலும், வைதீக நிர்ப்பந்தங்களாலும் கட்டுப்படுத்த முடியாது என்பதை சகலறும் உணர வேண்டும்.

உலகில் உள்ள எந்த மத விதிகளும் பெண்களால் உருவாக்கப்பட்டதில்லை. ஆண்களே உருவாக்கினார்கள். ஆணாதிக்க சமூகத்தை மறுத்து தொழிற்பட முடியாத பெண் சமூகம் அதனை பின்பற்ற நிர்ப்பந்திக்கப்பட்டது. காலப்போக்கில் அந்த விதிகளை அவர்களே பேண வேண்டும் என்கிற நம்பிக்கைக்கு அவர்களே ஆளாக்கப்பட்டார்கள். அதன் விளைவு; பெண்களே பெண்களுக்கு எதிரான ஆசாரங்களை பாதுகாத்து நியாயப்படுத்தி, அமுல்படுத்தும் நிலைக்கு ஆனார்கள். அதாவது ஆணாதிக்க நிகழ்ச்சிநிரலை தாமே ஏற்று நடத்தினார்கள். அதன் பின்னர் ஆணாதிக்க விதிகளையும், நிர்ப்பந்தங்களையும் அமுல்படுத்த நேரடியாக ஆண்கள் தேவையில்லை. பெண்களே அதனைப் பார்த்துக் கொள்வார்கள்.


உதாரணத்திற்கு இன்றும் போது வழக்கில் கூறப்படும் சில காரணிகளைப் பார்ப்போம்.
“பெண்கள் தான் இன்று வரதட்சினை கேட்கிறார்கள். ஆண்கள் அல்ல” என்பார்கள்.
“சபரிமலைக்கு பெண்கள் நுழைவதை எதிர்த்து பெண்களே போராடுகிறார்கள்!” என்று செய்தி வரும்.
இப்போது சொல்லுங்கள் பெண்கள் தான் வரதட்சனையை  வலியுறுத்துகிறார்களா? அல்லது ஆணாதிக்க அவசியத்தின் முகவர்களாக பெண்கள் செயல்படுகிறார்களா? 

சபரிமலை தரிசனத்தை பெண்களுக்குத் தடை செய்திருப்பது தீட்டு, துடக்கு போன்ற காரணங்களால் என்றால் அதனை வலியுறுத்தியது பெண்களா அல்லது ஆணாதிக்க விதிகளா? இந்த விதிகளை இயற்றியது பெண்களா? அல்லது ஆண்களா? அல்லது ஐயப்பன் தான் இந்த சட்டத்தை இயற்றினாரா?
இயற்கையான மாதவிலக்கை தீட்டு, துடக்குகுள்ளாகி தம்மை அசிங்கப்படுத்தும் ஆணாதிக்க சிந்தனையை கேள்விக்கு உட்படுத்தாமல் அதை ஏற்றுக்கொள்ள நம் பெண்களுக்கு எப்படி முடிகிறது?

பாலுறவுக்கு பாலுறுப்பு வேண்டும், பரம்பரை தழைக்க பாலுறுப்பு வேண்டும். ஆனால் அதன் இயற்கை இயல்பு மட்டும் எப்படி தீட்டானது. அதைக் காரணம் காட்டி எப்படி உரிமைகளைத் தடுக்க முடிகிறது? சடங்குகளுக்கும், வைதீக மரபுகளுக்கும் அப்பால் மனசாட்சியின் பால் ஆண்கள் சிந்திக்க முடியாதா? தன்னை ஈன்ற தாயை,  வாழ்க்கையின் சக பயணியை, தான் பெற்ற மகளை தீட்டு - துடக்கின் பேரால் பலவற்றிலும் ஒதுக்கி வைக்கும் நிலையை நெஞ்சில் ஈரமுள்ள ஆண்கள் ஆதரிக்க முடியுமா? சகிக்க முடியுமா? எதிர்க்க வேண்டா? கொதித்தெழ வேண்டாமா?

வைதீக நம்பிக்கைகள், சடங்குகள், மரபுகள் அனைத்தையும் கேள்விக்குட்படுத்தும் நவீன சமூகத்தில் உலகம்; உரிமைகளுக்கும், சுதந்திரத்திற்கும், ஜனநாயகத்துக்கும், சமத்துவத்துக்கும்  முன்னுரிமை கொடுத்து அடுத்தக் கட்டத்திற்கு வளர்ந்து கொண்டு செல்கிறது.

இன்றைய நீதித்துறையும் அதன் அடிப்படையிலேயே வைதீக நம்பிக்கைகளை கேள்விக்குள்ளாக்குகிறது. சட்டத்திற்கு முன் அனைவரும் சமம் என்கிறது.

நன்றி - தினகரன்

...மேலும்

Oct 9, 2018

'மாதவிடாய் காலத்தில் பெண்களின் வழிபாட்டு உரிமையை பறிக்க முடியுமா?'


"மாதவிடாய் காலத்தில் உள்ள பெண்ணின் கையால் உணவு உண்டாலோ நீர் அருந்தினாலோ நீங்கள் இறந்துவிடுவீர்களா? மாதவிடாய் உள்ள பெண்களின் வழிபாட்டு உரிமையை உங்களால் எப்படி பறிக்க முடியும்," என்று கேட்கிறார் அனிகேத் மித்ரா. இவர் பெண்களின் மாதவிடாய் காலத்தை மையமாக வைத்து உண்டாக்கிய கணினி வரைபடங்கள் சமூக வலைத்தளங்களில் பெரும்பாலும் பகிரப்பட்டன.

மாதவிடாய் காலங்களில் பெண்கள் பின்பற்றும் சடங்குகளை இவர் நேரடியாகவே கண்டுள்ளார்.

அவர் வரைந்த படம் ஒன்றில் நேப்கின் மீது ரத்த நிறத்தில் தாமரை மலர்ந்து உள்ளது. அதன் கீழே 'சக்தி ரூபென்' என்று வங்க மொழியில் எழுதப்பட்டுள்ளது. அதன் பொருள் 'பெண்களின் சக்தி'

"என் மனைவி மற்றும் சகோதரிகளை போலவே பல பெண்கள் விழாக்களிலும் பிற நல்ல நிகழ்ச்சிகளிலும் மாதவிடாய் காலங்களில் கலந்துகொள்ள முடிவதில்லை,"என்று கூறும் அனிகேத், அவர்கள் அப்போது மூலையில் முடிங்கிக்கிடக்க வேண்டியுள்ளது என்கிறார்.

"பெண்கள் குடும்ப நிகழ்வுகளிலும் வழிபாட்டிலும் கலந்துகொள்ள விரும்புகிறார்கள். ஆனால் அவர்களின் உடல்நிலையை காரணம்காட்டி அது மறுக்கப்படுகிறது. ஏன் இந்தத் தடை, " என்று அவர் வினவுகிறார்.

பெண் கடவுளின் மாதவிடாய்

"பெண்கள் கோயிலுக்குள் நுழைய ஆதரவாக இந்திய உச்ச நீதிமன்றம் தீர்ப்பு வழங்கியுள்ளது. ஆனால் வீடுகளில் இருப்பவர்கள் மாறத் தயாராக இல்லை. சமூகமும் இதை விலக்கியே வைக்கிறது. இதனால் சமூகத்தை பின்னோக்கியே இழுக்கிறார்கள்."

அஸ்ஸாமில் காமக்கியா தேவி கோயிலில் பெண் கடவுளுக்கு மாதவிடாய் உண்டாகும்போது மூன்று - நான்கு நாட்கள் கோயிலின் கதவுகள் மூடப்பட்டு திருவிழா கொண்டாடப்படுவதை சுட்டிக்காட்டும் அவர் கடவுளின் அவதாரமாகக் கருதப்படும் பெண்களை விலக்கி வைப்பது குறித்து யாரும் கவலைப்படுவதில்லை என்கிறார்.

சமூக வலைத்தளத்தில் கேலி
மாதவிடாய் குறித்த தனது சமூகவலைத்தளப் பதிவுகளைப் படிப்பவர்கள் தம்மைக் கேலி செய்வதாகவும், மதத்துக்கு எதிரானவன் என்றும் துரோகி என்று அழைப்பதாகவும் கூறும் அனிகேத் தம்மை கடவுள் மீது நம்பிக்கை உள்ள மதத்தை பின்பற்றுபவர் என்று கூறுகிறார்.

"எங்கள் வீட்டில் பூசை செய்கிறோம், நான் மத விழாக்களில் கலந்துகொள்கிறேன். நான் எப்படி இந்து மதத்துக்கு எதிரானவனாக இருக்க முடியும்? என் பதிவுகளை அழிக்கக்கோரி கடுமையான அழுத்தம் கொடுக்கப்படுகிறது."

"என்னைக் கேலி செய்பவர்கள் மோசமானவர்கள் அல்ல. அவர்கள் அறியாமையில் இருப்பவர்கள்," என்று கூறும் அனிகேத் பலரும் தமக்கு ஆதரவாக செய்திகள் அனுப்பி ஊக்கிவித்ததாக கூறுகிறார்.

மனைவியின் ஆதரவு
"பெண்கள் எதிர்கொள்ளும் பிரச்சனைகளை வெகு சில ஆண்களே பேசுகின்றனர். பெண்கள் நான்கு நாட்கள் அனுபவிக்கும் இதை ஆண்கள் ஒரு நாளாவது அனுபவிக்க வேண்டும். அப்போதுதான் பெண்களை எப்படி நடத்த வேண்டும் என்று உணர்வார்கள்," என்கிறார் அனிகேத்தின் செயல்களை முழுமையாக ஆதரிக்கும் அவரது மனைவி பிரியம்.

"மாதவிடாய் நேரங்களில் வீட்டு வேலை அலுவலக வேலை என அனைத்தையும் செய்தாலும் யாரும் இதற்கு அங்கீகாரம் அளிப்பதில்லை," என்கிறார் பிரியம்.

படத்தில் என்ன தவறு?

பாலியல் மருத்துவத்துறை பேராசிரியர் பிரகாஷ் கோத்தாரி இது குறித்து பிபியிடம் பேசினார்.

"கோயில்கள் உள்ளிட்ட மதம் சார்ந்த இடங்களில் பாலுறவைக் குறிக்கும் சின்னங்கள் இருப்பதைப் பார்க்க முடியும். ஒரு வேளை இது பாலியல் கல்விக்காகக் கூட இருக்கலாம். அந்தக் காலத்தில் பாலியல் என்பது மிகவும் இயல்பானதாகப் பார்க்கப்பட்டது," என்கிறார் கோத்தாரி.

"பழங்கால இலக்கியங்களையும் நூல்களையும் பார்க்கும்போது பாலுறவு மனித வாழ்வின் அடிப்படையாகப் பார்க்கப்பட்டதை உணர முடியும். இந்த படங்களில் உணர்வுகளைப் புண்படுத்தும் வகையில் எதுவும் இருப்பதாக நான் கருதவில்லை," என அனிகேத் வரைந்த படம் குறித்து கோத்தாரி கூறுகிறார்.

"முதல்முறை பார்த்தபோது எனக்கும் கொஞ்சம் சங்கடமாகவே இருந்தது. தாமரை நம் பண்பாட்டில் மிகவும் மதிக்கத்தக்க ஒன்றாக இருப்பதால் அப்படித் தோன்றியது. ஆனால்,இதன்மூலம் மாதவிடாய் குறித்த விழிப்புணர்வை உண்டாகவே அவர் முயல்கிறார்," என்கிறார் பெண்கள் பற்றிய சமூக ஆய்வில் ஈடுபடும் பேராசிரியை விபூதி படேல்.

பிரீத் கராலா
பிபிசி குஜராத்தி

நன்றி - பிபிசி
...மேலும்

பெண்ணியம் vimeo சேனல்

பெண் நிலை - வீடியோக்கள்