/* up Facebook

Jan 21, 2016

போராடினால் மட்டுமே சாதிக்க முடியும்! - தலித் போராளிப் பெண்


தண்ணீரை டம்ளரில் குடிக்காமல், இரு கைகளை ஏந்தி குடிக்கணும்.

கஞ்சியை, பனை ஓலையில் ஊற்றி குடிக்கணும். 
போராடினால் மட்டுமே சாதிக்க முடியும்!

சொல்கிறார், ஜாதி, பெண் கொடுமைகளுக்கு எதிராக, 22 ஆண்டுகளாக போராடும் சந்தனமேரி அம்மா அவர்கள் போராடினால் மட்டுமே சாதிக்க முடியும்!

சொல்கிறார், ஜாதி, பெண் கொடுமைகளுக்கு எதிராக, 22 ஆண்டுகளாக போராடும் சந்தனமேரி அம்மா அவர்கள்.:

நான், பர்மா நாட்டிலிருந்து, தாயகமான, சிவகங்கையின் சூராணத்துக்கு, புலம் பெயர்ந்தவள். பிழைக்க வழியின்றி, வேலை தேடி அப்பா, அந்தமான் சென்றார். உடன் பிறந்தவர்கள் ஒன்பது பேரில், மூத்தவள் என்பதால், வயல் வேலை செய்து, குடும்பத்தைக் காப்பாற்றினேன். வேலை செய்யும் இடத்தில், தண்ணீரை டம்ளரில் குடிக்காமல், இரு கைகளை ஏந்தி குடிக்கணும்.

கஞ்சியை, பனை ஓலையில் ஊற்றி குடிக்கணும். திருமணமாகி, ஜாதி வெறி நடைமுறைகள் அதிகமுள்ள, ஓரிக்கோட்டைக்கு வந்தேன். இங்கு, சாவுக்கான வேலையை, தலித் மக்கள், அடிமை போல் செய்தனர். சாவுக்கு வருபவர்கள் தரும் நெல்லையே, கூலியாக தருவர். திருமண வீட்டிலும், இதே நிலை. ஓலை பெட்டி, மண்பானையை எடுத்துச் சென்றால் தான், சோறு கொடுப்பர்; வீட்டிற்கு வந்தே சாப்பிடணும். காளையார்கோவிலில், உயர் வகுப்பை சேர்ந்தவர், ஒரு பெண்ணை பாலியல் பலாத்காரம் செய்ததை கண்டித்து, பெண்களை திரட்டி போராடினோம்; பலனில்லை. அதனால், இடதுசாரி கட்சியில் சேர்ந்தேன். இங்கு, ஜாதி ரீதியிலான ஒடுக்குமுறைகளை, எப்படி சரி செய்யலாம் என்ற புரிதல் கிடைத்தது.

தொண்டியில், தலித் மக்கள் பயன்படுத்தும் பாதை அடைக்கப்பட்டது. மக்களோடு போராடி, பாதையை திறந்தேன். கண்டதேவி தேரோட்டத்தில், தலித் பெண்களை தேர் இழுக்க வைத்தேன். "ஒரு தலித் பொம்பளை' என, ஏராளமான எதிர்ப்புகளை சந்தித்தேன். ஓரிக்கோட்டையில், தலித்கள் தற்போது, அடிமை வேலைகள் செய்வதில்லை. "உழைக்கும் பெண்கள் இயக்கம்' ஆரம்பித்தேன். ஜாதி, பெண் கொடுமைகளுக்கு எதிராக, 22 ஆண்டுகளாக போராடி வருகிறேன். போராடினால் மட்டுமே சாதிக்க முடியும்.

"உசுர பணையம் வச்சு, எமனோட போராடி,

செத்துப்போன சத்தியவான மீட்டுவந்தா சாவித்திரி...

செத்துப்போன சத்தியவான மீட்டுவந்தா சாவித்திரி.

சாவித்திரி செத்திருந்தா, பெண்ணினமே.....

அந்த சத்தியாவான் வேற பொண்ண பார்த்திருப்பான்...

அந்த சத்தியாவான் வேற பொண்ண பார்த்திருப்பான்.

கற்பு, கற்பு என்று சொல்லி கதையளக்கும் புராணங்களை,

கேட்டால் எனக்கு கோபம் வருதம்பா...

பெண்களை கேவலமா ஆக்கிபுட்டான் பாருங்கம்மா....,

பெண்களை கேவலமா ஆக்கிபுட்டான் பாருங்கம்மா"

நன்றி - முகநூலில் பகிர்ந்தவர் பாலசுப்ரமணியம் சரஸ்வதி

0 comments:

Post a Comment

பெண்ணியம் vimeo சேனல்

பெண் நிலை - வீடியோக்கள்