/* up Facebook

Apr 20, 2013

கிண்ணியா வைத்தியசாலையில் மறைக்கப்பட்ட ஒரு உயிரின் உண்மைச் சம்பவம்


கிண்ணியா குட்டிக் கராச்சை சேர்ந்த பெண் ஒருவர் பிரசவத்திற்காக கிண்ணியா வைத்தியசாலையில் 2012.12.28 ஆம் திகதி அனுமதிக்கப்பட்டிருந்தார். இந்த பெண்மணிக்கு குழந்தையினை சுகப்பிரசவம்  முடியாததனால் வைத்தியர்களால் சீஸர் செய்யப்பட்டு குழந்தை எடுக்கப்பட்டது. 

சீஸர் செய்யும் போது வைத்தியர்களின் கவனக் குறைவால்  அப்பெண் கோமா நிலையினை அடைந்துவிட்டார். இதனை அடுத்து கிண்ணியா வைத்தியசாலை நிருவாகம் மட்டக்களப்பு வைத்தியசாலைக்கு அப்பெண்மணியை அனுப்பினார்கள். மட்டக்களப்பு வைத்தியசாலையில் 12 நாள் சிகிச்சையளிக்கப்பட்டது பிறகு மட்டக்களப்பு வைத்தியர்கள் எங்களால் இதனை பார்க்க முடியாது எனக் கூறி திருகோணமலை வைத்தியாசலைக்கு அனுப்பிவைத்தார்கள். 

திருகோணமலை வைத்தியசாலையில் 15 நாள் சிகிச்சைக்கு பின் சீஸர் செய்த வைத்தியரிடம் கொண்டு செல்லுங்கள் என்று கிண்ணியா வைத்தியாசலைக்கு அனுப்பி வைத்தார்கள். நான்கு மாதங்களுக்கு மோல் அப் பெண்மணி கிண்ணியா வைத்தியசாலையில் உயிர் மட்டும் வாழும் நிலையில் உறங்கிக்கொண்டு இருக்கின்றார்.

 சீஸர் செய்யப்பட்ட அப் பெண்ணுக்கு ஏழு பிள்ளைகள் இருக்கின்றார்கள். மற்றும் கணவர் ஒரு கூலித் தொழில் செய்பவர். இப்படியான ஒரு நிலையில் கடந்த நான்கு மாதங்களில் 5 இலட்சம் ரூபாய்களை வைத்தியச் செலவுக்காக கடன் வாங்கி செலவு செய்து இருக்கின்றார். 

ஆனால் சீஸர் செய்த வைத்தியர்கள் வைத்தியசாலையினை விட்டு இடமாற்றம் பெற்றும் ஏனைய வைத்தியர்கள் சீஸர் செய்யப்பட்ட வாட் இலக்கம் 03 இல்   இருக்கும் பெண்ணை வீட்டுக்கு அனுப்புங்கள் என்றும் வீராப்பு பேசுகின்றார்கள்.  

வைத்தியர்களின் கவனக் குறைவால் பிரசவத்திற்கு அனுமதிக்கப்பட்ட பெண்ணிற்கு தவறாக சீஸர் செய்யப்பட்டுள்ள நிலையில் அப் பெண் கோமா நிலையை அடைந்துள்ளார். இதனை வைத்தியசாலை மூடி மறைத்து சம்ந்தப்பட்ட வைத்தியர்களை உடனாடியாக இடமாற்றம் செய்து அந்த ஏழைப் பெண்ணின் உயிரில் விளையாடி   உள்ளார்கள்.  எந்த ஊடகமும் இதனை வெளிக் கொண்டுவர முடியாதவாறு முடி மறைத்து வைத்துள்ளது வைத்தியசாலை நிறுவாகம். 

இச் செய்தியை வாசிப்பதுடன் நின்று விடாமல் வாசகர்கள் தட்டிக் கேளுங்கள் உரிய அதிகாரிகள் பாதிக்கப்பட்ட பெண்ணுக்கு நீதியினைப் பெற்றுக் கொடுங்கள். 

நன்றி - Jaffnamuslim

0 comments:

Post a Comment

பெண்ணியம் vimeo சேனல்

பெண் நிலை - வீடியோக்கள்