/* up Facebook

Nov 13, 2010

தபால்காரரின் பயம் - கவிதா முரளிதரன்

முகமத் அல் மாகுத் (Mohammad Al Maghout) சிரியா நாடு கவிஞர். நவீன அரேபிய கவிதையின் தந்தையாக அறியப்படுபவர். சமூக அவலங்களை பற்றி தொடர்ந்து எழுதியவர். 2006ல் அவர் இறந்தார்.






உலகெங்கும் உள்ள கைதிகளே…


நீங்கள் பார்த்த எல்லாவற்றையும் எனக்கு


அனுப்புங்கள்


உங்கள் கண்ணீர், கவலை, பயங்கள் எல்லாவற்றயும் அனுப்புங்கள்.


எல்லா கரைகளிலும் உள்ள மீனவர்களே…


உங்களுக்கு தெரிந்த எல்லாவற்றையும் என்னிடம் அனுப்பி வையுங்கள்


காலி வலைகளையும் சுழலும் அலைகளையும் எல்லாவற்றையும்


அனுப்புங்கள்..


உலகின் அனைத்து நிலங்களிலும் இருக்கும் விவசாயிகளே..


உங்களிடம் இருப்பதை எனக்கு அனுப்புங்கள்


பழைய துணிகளையும் பூக்களையும்


கிழிந்த மார்பகங்களையும் துளைக்கப்பட்ட வயிறுகளையும்


நைந்து போன விரல்களையும் என்னிடம் அனுப்புங்கள்.


உலகின் எந்த தெருவிலும் எந்த விடுதியிலும் உள்ள எனது


விலாசத்துக்கு அனுப்பி வையுங்கள்


மனித பேரவலத்தை பற்றிய மனு ஒன்றை


தயார் செய்து கொண்டிருக்கிறேன்


பசித்தவர்களின் உதடுகளாலும்


காத்துக் கொண்டிருப்பவர்களின் இமைகளாலும்


அதில் கையெழுத்திட்ட பின் அதை


கடவுளிடம் கொடுப்பேன்


ஆனால், உலகெங்கும் உள்ள வறியவர்களே,


என்னுடைய பயமெல்லாம்


கடவுள் படிப்பறிவில்லாதவராக


இருந்துவிடுவாரோ


என்பதுதான்.




http://arabwomanprogressivevoice.blogspot.com/2006/04/mohammad-al-maghout-1934-2006.html


disclaimer: மொழி பெயர்ப்பில் நான் கொஞ்சம் சுமார்தான்.


நன்றி - கைப் பள்ளத்து நீர்

1 comments:

சென்ஷி said...

அருமை...

Post a Comment

பெண்ணியம் vimeo சேனல்

பெண் நிலை - வீடியோக்கள்