/* up Facebook

Jul 24, 2010

லிவிங் ஸ்மைல் வித்யா கவிதைகள்


1.

நினைவில் பால்யம் அழுத்தும்
பொழுதுகளில்
தொலைபேசியில் அழைக்கிறாள் சகோதரி
உறவுக்கூடத்தில் சூன்யமாகிவிட்ட
என் பகுதியின் இருளை
தடவிக் கொடுத்தபடியே நலம் விசாரிக்கிறாள்
அலுவல், இருப்பிடம், போக்குவரத்து,
அனைத்தும் விசாரித்து முடித்தவள்
நடக்காது என்றாலும் நப்பாசையோடு
கேட்கிறாள் ஒருமுறை வீட்டுக்கு வந்துட்டு போயேன் என்று
அவதாரத்தை சகிக்க முடியாதவளுக்கு
ஆன்மாவையாவது சந்தித்துவிடும் பிரயாசை போலும் !!

2.

தத்தி தத்தி நடைபயிலும் உன் கடவுளும்,
அலுவல் நோக்கி விரையும் என் இயந்திரமும்
கடக்கும் அன்றாடக் குறுகிய பொழுதில்
பரஸ்பரம் பரிமாறிக் கொள்ளும் புன்னகையில்
ஆசிர்வதிக்கிறாள் ஒரு தாய்
அசந்தர்ப்பமான ஒரு நாளில் என்
நிர்வாணத்தை தலைகீழாய் குலுக்கிப் பார்த்த
உன் தகப்பனையும்
அவன் உலகத்திற்குள்ளாக
நீ நுழையவிருக்கும் குறுகிய தினத்தையும்
நடுக்கத்துடன் பார்த்துக் கொண்டிருக்கிறாள்
அதே தாய்,
எக்காரணம் கொண்டும் கபடற்ற உன் புன்னகை
மாறிடக் கூடாதென்ற பரிதவிப்புடன் நானும்

3.

தனிமையின் கண்ணீர் துளி போல
உறவுகளை துடைத்து விட்டோம்
நிர்வாண பொழுதின் ரத்தம் போல
அடையாளங்கள் மெல்ல மறைந்து போனது
நீண்ட நேரம் அடக்கிய மலம் போல
வெளியேறின சில புறச்சிக்கல்கள்
ஏதேதோ இழந்தும், பெற்றும்
கம்பீரமாய் நிற்கிறாள்
நான்
எனும் பெண்.

நன்றி - லும்பினி

4 comments:

THE PEDIATRICIAN said...

ARUMAIYANA MARU PATHIVU. NANDRI

சே.குமார் said...

ellam arumai...

மதுரைநண்பன் said...

ஒவ்வொரு வரியிலும் ஆன்மாவின் காயம் தெரிகிறது. நீங்கள் உங்கள் விழிகளுக்குள் அழுத கண்ணீரின் அடர்த்தி தெரிகிறது.

vj said...

அழகு

Post a Comment

பெண்ணியம் vimeo சேனல்

பெண் நிலை - வீடியோக்கள்