/* up Facebook

Dec 1, 2009

டிசம்பர் .1 - உலக எய்ட்ஸ் விழிப்புணர்வு தினம் -




உலகம் முழுவதும் 3 கோடியே 34 லட்சம் பேர் எய்ட்ஸ் நோயால் பாதிக்கப்பட்டுள்ளனர். இந்தியாவில் 2 லட்சத்து 75 ஆயிரம் பேர் (15 வயதுக்குட்பட்ட 80,000 குழந்தைகள் உட்பட) பாதிக்கப்பட்டுள்ளனர். இவர்களில் 80 ஆயிரம் பேர் 15 வயதுக்குட்பட்ட குழந்தைகள். எச்.ஐ.வி உள்ளவர்களில் 39 சதவீதம் பேர் பெண்கள்.


தென் மாநிலங்களில் எச்.ஐ.வி., தொற்று குறைந்து வருகிறது என்ற சமீபத்திய உலக சுகாதார நிறுவன அறிக்கை, நம்பிக்கை ஊட்டுவதாக அமைந்துள்ளது. விழிப்புணர்வு ஒன்றே எச்.ஐ.வி., பரவுவதை கட்டுப்படுத்த முடியும் என்று உலகம் முழுவதும் அறிந்துள்ள நிலையில், இந்தியாவில் அதற்காக எடுத்த முயற்சிகள் பலன் தரத் தொடங்கியுள்ளது என்பதையே இது காட்டுகிறது. உலகம் முழுவதுமே, எச்.ஐ.வி., பரவும் வேகத்தில் குறைவு காணப்படுகிறது. ஏறத்தாழ 17 சதவீதம் குறைந்துள்ளது. பிரசவத்தின் போது எடுக்கப்படும் பரிசோதனையின் அடிப்படையில், மகாராஷ்டிரா, ஆந்திரா, கர்நாடகம் மற்றும் தமிழகம் ஆகிய மாநிலங்களில் 54 சதவீதம் குறைந்திருக்கிறது. அதே சமயம், இந்தியாவில் எச்.ஐ.வி., உள்ளவர்களில் 39 சதவீதம் பேர் பெண்கள். ஆசியாவில் எச்.ஐ.வி., உள்ளவர்களில் பாதிப்பேர் இந்தியாவில் உள்ளனர். ஆகவே இந்தியாவில் எச்.ஐ.வி., தடுப்புப் பணி தொடர்ந்து மேற்கொள்ளப்பட வேண்டிய நிலையில் உள்ளது.



இந்த ஆண்டு உருவாக்கப்பட்ட "எய்ட்ஸ் வேக்ஸ்' எனும் தடுப்பு மருந்தும் எச்.ஐ.வி., பரவுவதை 31 சதவீதம் கட்டுப்படுத்துகிறது. இது அடுத்து 100 சதவீதம் எச்.ஐ.வி.,யை தடுக்கும் மருந்து உருவாக அடிப்படையாக அமையலாம். எச்.ஐ.வி., மனித உடலுக்குள் பல்கிப் பெருகும் பல்வேறு கட்டங்களில் ஏதாவது ஒரு கட்டத்தில் அதை செயல்படவிடாமல் தடுப்பதற்கான மருந்து தயாரிக்கும் முயற்சியில் மருத்துவ விஞ்ஞானிகள் செயல்பட்டு வருகின்றனர். அது வெற்றி பெறும் வரை, உலகின் மிகப்பெரும் அச்சுறுத்தலாக எச்.ஐ.வி., தொடர்ந்து கொண்டுதான் இருக்கும்.


பல்கிப் பெருகும் எச்.ஐ.வி.,: எச்.ஐ.வி., தொற்றிய பின்னர், அது மனித உடலுக்குள் எப்படி பல்கிப் பெருகுகிறது என்பதை வரைபடம் விளக்குகிறது.


1. மனித உடலுக்குள் புகுந்த எச்.ஐ.வி., வைரஸ், செல்களின் மேற்புறத்தில் "சி.டி.-4' எனும் ஒட்டிக் கொள்ளும் பகுதியை அடைகிறது. அங்கு செல்களின் "சி.சி.ஆர்.5' எனும் கயிறு போன்ற பகுதி எச்.ஐ.வி., வைரசையும் நம் உடல் செல்லையும் பிணைக்கிறது.



2. செல்லின் மேற்புறத்தில் ஒட்டிக் கொண்ட எச்.ஐ.வி., வைரசின் ஒரு பகுதி கரைந்து, செல்லுடன் அப்படியே கலக்கத் தொடங்குகிறது. எச்.ஐ.வி., வைரசுக்குள் உள்ள, அது பல்கிப் பெருகத் தேவையான மரபணுப் பொருட்களான ஆர்.என்.ஏ., மற்றும் என்சைம்கள் செல்லுக்குள் கலக்கின்றன.


3. ஒரு குடம் பாலில் ஒரு துளி விஷம் கலந்தாற்போல், மனித செல்லுக்குள், அதை விட சிறிய எச்.ஐ.வி., புகுந்து அந்த செல்லை வைரஸ்கள் பல்கிப் பெருக வசதியான மையமாக மாற்றுகிறது. செல்லுக்குள் புகுந்த ஓர் இழையிலான ஆர்.என்.ஏ., இரு இழைகளுடைய டி.என்.ஏ.,வாக மாறுகிறது.



4. இந்த டி.என்.ஏ., ஏற்கனவே உடல் செல்லில் உள்ள உண்மையான டி.என்.ஏ.,வை "ஆள்மாறாட்டம்' செய்யும் பணியில் ஈடுபடுகிறது. மனித செல்லின் டி.என்.ஏ.,வில் ஒட்டிக் கொள்ளும் எச்.ஐ.வி., வைரஸ் டி.என்.ஏ., கடைசியில் மனித உடல் செல்லின் டி.என்.ஏ.,வை எச்.ஐ.வி., டி.என்.ஏ.,வாக மாற்றி விடுகிறது.


5. இந்த டி.என்.ஏ.,விலிருந்து மீண்டும் எச.ஐ.வி.,க்கான ஆர்.என்.ஏ., உருவாகிறது. இதனுடன் புதிய எச்.ஐ.வி., வைரஸ்கள் உருவாகத் தேவையான பொருட்கள் ஒன்று சேர்கின்றன.


6. செல்லின் சுவரின் அருகே எச்.ஐ.வி., வைரஸ் புதிதாக உருவாகிறது. அது முழுப்பரிமாணம் பெற்ற இன்னொரு வைரசாக உருவாகிறது. செல்லிலிருந்து பிரிந்து புதிய வைரசாக இன்னொரு செல்லை தாக்கப் புறப்படுகிறது. ஒரு செல் முற்றிலுமாக அழியும் வரை அங்கிருந்து நிறைய எச்.ஐ.வி., வைரஸ்கள் உருவாகின்றன.



World Aids Day Theme From 1988 to 2009
World Aids Day Theme 2009
"Universal Access and Human Rights"
World Aids Day Theme 2008
"Stop AIDS. Keep the Promise - Lead - Empower - Deliver"
World Aids Day Theme 2007
"Stop AIDS. Keep the Promise - Leadership"
World Aids Day Theme 2006
"Stop AIDS. Keep the Promise - Accountability"
World Aids Day Theme 2005
"Stop AIDS. Keep the Promise"
World Aids Day Theme 2004
"Women, Girls, HIV and AIDS"
World Aids Day Theme 2003
"AIDS and Research"
World Aids Day Theme 2002
"Stigma and Discrimination"
World Aids Day Theme 2001
"I care. Do you?"
World Aids Day Theme 2000
"AIDS: Men Make a Difference"
World Aids Day Theme 1999
"Listen, Learn, Live: World AIDS Campaign with Children & Young People
World Aids Day Theme 1998
"Force for Change: World AIDS Campaign With Young People"
World Aids Day Theme 1997
"Children Living in a World with AIDS"
World Aids Day Theme 1996
"One World. One Hope"
World Aids Day Theme 1995
"Shared Rights, Shared Responsibilities"
World Aids Day Theme 1994
"AIDS and the Family"
World Aids Day Theme 1993
"Act"
World Aids Day Theme 1992
"Community Commitment"
World Aids Day Theme 1991
"Sharing AIDS"
World Aids Day Theme 1990
"Women with AIDS"
World Aids Day Theme 1989
"Youth"
World Aids Day Theme 1988
"Communication"

உதவியவை - தினமலர் மற்றும் ஐநா உத்தியோகபூர்வ இணையதளம்

0 comments:

Post a Comment

பெண்ணியம் vimeo சேனல்

பெண் நிலை - வீடியோக்கள்