/* up Facebook

Nov 1, 2009

தலைகீழாய்த் தொங்கும் முலைகள் - தில்லை


உண்ணும் முலைகளையும்
இன்னும் பல நூறு யோனிகளையும்
எனது உடம்பில் ஆணியில் கொழுவினர்


கண்களில் வாழ்வு வழிந்தோட
என் தேச பெண்கள்
மூக்கை பொத்தி
மூன்று தல முறை
தாண்டு கடலில் மூச்சு வாங்கினர்;


இரத்தம் காய்ந்த உடைகளையும்
உடலையும் அலசிக் கழுவினர்


எல்லா வயதினருமாக
எல்லையிடப்பட்ட பணிமனையில்
கணவர்களின் பெயர் சொல்லி
வெள்ளையுடை வாங்கினர்


இன்று பகலும் இன்னும்
முப்பத்தி மூன்று ஆயிரம் பெண்கள்
முலைகளையும் யோனிகளையும்
என்னில் கொழுவிர்
எங்கு போகிறீர்கள் என்றேன்


எல்லைக் கிராம தடுப்பு முகாமில்
வெள்ளையுடை வாங்க என்றனர்.

0 comments:

Post a Comment

பெண்ணியம் vimeo சேனல்

பெண் நிலை - வீடியோக்கள்